Biden i dhuron senatorit demokrat stilolapsin me të cilin firmosi paketën 700 miliardë dollarë të klimës
2022-08-17 21:52:07
TiranaPost
Presidenti Joe Biden nënshkroi zyrtarisht paketën më të madhe prej 700 miliardë dollarësh që synon të luftojë ndryshimet klimatike në historinë e SHBA të martën mbrëma, duke çimentuar në ligj Aktin e Reduktimit të Inflacionit duke rritur taksat kryesisht për të pasurit.
Legjislacioni, i përshëndetur edhe nga ish-Presidenti Barack Obama, ka për qëllim uljen e gazeve të brendshme serë, përmirësimin e kujdesit shëndetësor dhe uljen e çmimit të barnave me recetë.
“Me këtë ligj, populli amerikan fitoi dhe interesat e veçanta humbën,” tha Biden nga Shtëpia e Bardhë.
Ajo që ra në sy pasi Biden nënshkroi legjislacionin ishte pikërisht momenti kur ai i dorëzon stilolapsin senatorit Joe Manchin, i cili ishte vendimtar për miratimin e versionit përfundimtar të projektligjit.
“Joe, nuk kam pasur kurrë dyshim,” tha Biden.
Manchin e përshkroi dhuratën e stilolapsit si “një gjest shumë të bukur.”
Projektligji, i quajtur “Akti i Reduktimit të Inflacionit”, është një arritje e madhe legjislative për demokratët përpara zgjedhjeve afatmesme. Projektligji kaloi Dhomën e Përfaqësuesve dhe Senatin javën e kaluar me mbështetjen demokratëve dhe kundërshtimin e republikanëve.
